I ftohti do te rikthehet serish por jo me temperaturat ekstreme te disa ditëve me pare. Sinoptikanet parashikojnë se te dielën e 22 janarit, moti do te jete i kthjellet por temperaturat pritet te ulen 3 deri 4 grade celsius. Ne zonat malore ne veri dhe juglindje te vendit termometri pritet te zbresë ne minus 8 grade ndërsa ne Tirane e Durrës 0 dhe minus 1. Ndërsa e shtuna nuk ka qene e me ngrica por me vranësira e reshje. Rajoni i Kukesit dhe qarku i Korçës janë përfshirë nga dëbora. Ne qytete ajo ka arritur deri ne 20 centimetër ndërsa ne zonat malore mbi një metër trashësi. Ne qarkun e Korçës nuk ka probleme te rrugëve nacionale me përjashtim te komunave te thella te cilat bllokohen vazhdimisht. Ne Kukës dëbora ka shkaktuar vështirësi dhe bllokime te pjesshme ne autostrade. Ne hyrje te tunelit te Kalimashit trashësia e bores arriti ne 70 cm. Borëpastrueset ne veri te vendit po punojnë për heqjen e saj, ndërsa po hidhet skorie ne rruge. Ndërkohë mbeten te bllokuara komunat e thella te Kukesit dhe Tropojës. Sipas parashikimeve te sinoptikaneve, java e fundit e janarit do te mbyllet me mot te paqëndrueshëm dhe luhatje te temperaturave. Nga dita e hënë deri te mërkurë do te ketë reshje dhe një rritje te lehte te temperaturave. I ftohti rinis te enjten e vazhdon deri ne fundjave ku pritet dhe ulje e temperaturave nen zero grade.
