https://www.vizionplus.tv<br />https://www.facebook.com/vizionplustvpage<br /><br />NË BOZHËLE, VENDI I GURËVE TË ARTË<br /><br />Bozhële Nuvo, vera e famshme franceze, e pastazhionuar, që del në shitje prej të enjtes së tretë të nëntorit e që mund të pihet deri në javët e para të janarit të vitit pasardhës, ka mbërritur këtë vit edhe në Tiranë. Shishja e Bozhëlë Novo e përgatitur enkas për përvjetorin e 100-ë të shtetit ka mbledhur në një ceremoni të veçantë miqtë e amatorët e verës.<br /><br />Për këtë arsye Zonë e Ndaluar udhëtoi në krahinën e Bozhëlesë, në veri të Lionit, mes fshatrave piktoreskë, nën lartësitë e Malit të Bardhë dhe pranë kufirit me Zvicrën për të ndjekur nga afër prodhimin e kësaj vere të vecantë e cila ka miqtë e saj në të gjithë botën.<br /><br />Por në dokumentarin e përgatitur kamerat e Zonë e Ndaluar tregojnë më shumë se sa prodhimi i saj. Ne u takuam me kryetarë bashkish e komunash, pronarë e menxherë kështjellash mesjetare, enologë të shquar e fermerë të përkushtuar të cilët treguan se si vera zhvillon turizmin dhe i ndihmon këto zona, po aq sa dhe prodhimi i saj.
