Qarku Fier përbëhet nga 6 bashki dhe 36 komuna. Popullsia e këtij qarku është 304 mijë banorë, nga të cilët 121 mijë banojnë në zonat urbane dhe 183 mijë në zonat rurale. Fieri prej vitit 1996 është fituar gjithnjë nga e majta dhe është një prej bastioneve kryesore te Partisë Socialiste. Pas Tiranës ky qark është me i rëndësishmi pasi nxjerr 16 deputete te cilët ne 2009 u ndanë 9 deputete për PS, 6 për PD dhe 1 për LSI. Ne zgjedhjet e vitit 2009 Fieri ishte një prej qarqeve ku beteja u zhvillua e ashpër. Lista e demokrateve kryesohej nga Sokol Olldashi, Ministër i Transporteve dhe koalicioni i djathte mori 70 mije vota. Lista e kandidateve për deputet te PS, kryesohej nga kreu i grupit parlamentar Gramoz Ruçi dhe koalicioni mori 91 mije vota.<br /><br />Por faktor i rëndësishëm ne këtë qark ishte edhe LSI ku Dritani Prifti, mori mandatin e deputetit fale 11 mije votave qe mori koalicioni i drejtuar nga LSI. Zgjedhjet lokale ne këtë qark kane sjelle një balancim mes PD dhe PS, e majta ka qenë tërësisht dominuese në vitet 2000-2007, por më pas palët kanë ndarë pothuajse në mënyrë të barabartë drejtimin e njësive vendore.<br /><br />qarku i fierit ka disa specifika ne lidhje me popullsinë pasi komuniteti kosovar dhe ai çam luan një rol te rëndësishëm ne ditën e zgjedhjeve. Ne këto zgjedhje ne Fier, PD ka vendosur te rikandidoje një pjese te deputeteve si Sokol Olldashin, Mesila Doden, është futur i ri Kozma Dashi, kreu i PDIU Shpetim Idrizi, Bedir Mihaj, Myslim Murrizi. Socialistet ne krye te listës se kandidateve për deputet serish kane Gramoz Ruçin, me pas është<br /><br />Erion Braçe, Englantina Gjermeni, Ilirjan Celibashi, Armando Subashi, Arben Çuko dhe Piro Lutaj, Majlinda Bufi e Piro Koci.<br /><br />LSI ka vendosur ne këtë qark një prej figurave kryesore te saj Petrit Vasili ndërkohë qe Dritan Prifti do te kandidoje i pavarur.<br /><br />Fieri mund te sjelle surpriza ne rezultat, nëse llogarisim votat e 2009 duke i shtuar koalicionit te djathte 2 mije votat qe ka marre LZHK, ndihmojnë Aleancën e udhëhequr nga Berisha te marre mandatin e 7 por për disa qindra vota qe mund te marre e majta ky mandate është i rrezikuar. Ndërkaq Dritan Priftit i duhen me shume se 10 mije vota për tu bere deputet.
