http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Nëse ky duket kalim i vështirë, dite më të këqija i presin banorët e Kodrës së Diellit. Ndërtimi i Unazës së madhe të Tiranës, i izolon ata nga pjesa tjetër e qytetit. Bëhet fjalë për këto dy blloqe paralele, me mijëra banorë të të cilëve pas ndërtimit të rrugës do t'u duhet të ecin mbi 1 kilometër për të gjetur një nënkalim. Për të dytën të dielë radhazi ata kanë protestuar, duke kërkuar ndërtimin e një nënkalimi në këtë vend. Në shenjë proteste banorët kanë vendosur makinat përgjatë rrugës, duke paralajmëruar se do të pengojnë punimet e firmës ndërtuese. Por, ndërtimi i unazës së re po shoqërohet edhe me një tjetër problematike. Vijimi i saj nga pika ku kishte mbetur në afërsi të qendrës "Kristal", do të behet vetëm për 640 metër. Pjesa tjetër rreth 2 kilometër që shkon deri te Shkolla Teknologjike, vazhdon të mbetet peng i dëmshpërblimit të 184 familjeve që do t'u prishen shtëpitë.
