http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Francesca Mason eshte Marika Kallamata italiane, për këdo nga ne qe i kujton me nostalgji leximet e përrallave te pasdites se te shtunës ne televizionin publik. Ajo është e specializuar ne bibliotekat e fëmijëve, dhe duke veshur petkun e gjyshes se përrallave, prej disa te shtunash tashme po organizon ne Tirane, bashke me institutin italian te kulturës, nje rreth leximi publik, për fëmijët bilinguale, pra ata qe flasin shqip dhe italisht njëkohësisht. Edhe pse jetojnë ne kohen e Ipadit, libri dhe ilustrimet vijojnë te jene tërheqës për ta. Madje, pavarësisht personazheve nga me te ndryshimit te krijuar ne bote per ta, kur vjen puna tek te lexuarit përralla, vogëlushet preferojnë ende ato klasike. Kultura e leximit publik te kujton bibliotekat e lagjeve ne Shqipërinë komuniste, te cilat sot nuk funksionojnë me. Ambiente si libraria, është e vetmja mënyre qe fëmijët te zgjedhin sot libra për ta. Dhe ata qe dominojnë janë letërsi e përkthyer. Zamira Devole, përfaqësuese e një prej shtëpive botuese ne vend, pohon se 40 perqind te asaj çka ata publikojnë, e zë letërsia për fëmije. Por, njësoj si tek librat për te rritur, edhe këtu përkthimi zë vendin me te madh. Sipas Zamires, përrallat e Gaqo Bushakes i zgjedhin prindërit nostalgjike dhe jo fëmijët. Panari i Librit, i cili javën qe vjen do te këtë edicionin e tij te 16-te, është përpjekur te promovoje here pas here letërsinë vendase per fëmije, por nje vit me pare, çmimi për autorin e tille, nuk u dha per shkak te prurjeve aspak cilësore ne këtë fushe.
