?Në sekret të plotë në këtë sallë, në këtë sallë, Gjykata e Tiranës dha masën e sigurisë arrest me burg për dy ekonomistët e Bankës së Shqipërisë, Ardian Bitraj dhe Mimoza Bruzia, të arrestuar për shpërdorim detyre dhe moskallëzim krimi, në lidhje me hetimet e Prokurorisë për dyshimet mbi vjedhjen më të madhe të Bankës së Shqipërisë, që kap vlerën e 6 miliardë lekëve. Lëvizja e autoriteteve hetimore ka nisur nga rrëfimi i Ardian Bitrajt, me detyrë përgjegjës i sektorit të Arkës Stok, i cili ka rrëfyer se, prej katër vitesh, në bashkëpunim me kolegen e tij, dilnin nga ky sektor me shuma të konsiderueshme lekësh, që ishin bërë gati për t?u hedhur në qarkullim dhe të tjera që ishin bërë gati për t?u asgjësuar?.
