TIRANE - Ndër shqiptarët e rekrutuar për të luftuar në Siri janë dhe ish pjesëtarë të Forcave të Armatosura. Report Tv ka siguruar dokumentin e hetimeve dhe përgjimeve ndaj imamit Almir Daci, ku rezulton se ai ka rekrutuar dhe ish Komandon e ushtrisë shqiptare Erjon Alinj një i ri ky nga fshati Leshnicë i Pogradecit aty ku Daci ka shërbyer si Imam.<br /><br />...<br /><br />Ish komando të ushtrisë shqiptare rezultojnë të rekrutuar si luftëtarë të celulave xhihadiste në Siri. Ky fakt është zbardhur nga hetimet e Shërbimit Informativ Shtetëror, Prokurorisë së Krimeve të Rënda dhe Policisë së Shtetit.<br /><br />Sipas këtyre hetimeve rezulton se celula e drejtuar në Shqipëri nga Genci Balla ka rekrutuar jo vetëm qytetar të thjeshtë e djemtë të rinj, por dhe ish-ushtarak. Nga hetimet rezulton se ish imami i xhamisë së Leshnicës në Pogradec Almir Daci, ka rekrutuar ish ushtarakun Erjon Alinj.<br /><br />Dokumenti i siguruar nga Report zbardh itinerarin e Rekrutimit të Alinj, ku në shkurt të 2013 ai ka qëndruar për disa ditë në xhamin e Unazës së Re, xhami kjo e drejtuar nga Genci Balla tashmë nën akuzë dhe i arrestuar.<br /><br />Nga përgjimi i telefonatave, Alinj ai njofton vëllain Edin se ka ikur jashtë në Gjermani, por në një tjetër telefonatë me të shoqen ai tregon se ndodhet në Turqi.<br /><br />Almir Daci është ndër shqiptarët më të pushtetshëm në Siri së bashku me Lavdërim Muhaxherin, të dy këta drejtues të celulave të luftëtarëve xhihadist.<br /><br />Alinj nuk është i vetmi komando i rekrutuar për luftën e shenjtë, pasi në materialin hetimorë flitet dhe për ish-Komandon Lavdërim Perleka të identifikuar në një foto ku është analizuar vdekja e shqiptarit Diamant Rrash, nga Tirana.
