Temperaturat e ulëta që kanë shoqëruar prej ditësh rajonin e Kukësit, kanë bërë që në të gjitha rrugët të mbizotërojnë ngricat që kanë sjellë edhe një minimizim të qarkullimit të banorëve nëpër rrugë.<br /><br />Probleme janë shënuar në disa rrugë të zonave të thella malore, por Rruga e Kombit qarkullohet pa zinxhirë.<br /><br />Gjatë gjithë kësaj periudhe në këto akse është hedhur kripë,në mënyrë që qarkullimi i automjeteve të bëhet pa problem nga drejtuesit e automjeteve të vogla dhe atyre të tonazhit të rëndë.<br />Mjetet e firmave kontraktore janë në gadishmëri për të ndërhyrë në rastet e situatave emergjente. <br /><br />Në Bashkinë Kukës probleme me qarkullimin ka Njësia Administrative Arrën.<br /><br />Nga Bashkia Kukës po punohet në të gjithë territorin si nga firma kontraktore ashtu dhe me mjete të marra me kohë të kufizuar për lidhjen e të gjithë fshatrave në administrim të saj.<br />Aktualisht nuk ka rrugë rurale të bllokuar por qarkullimi është i vështirë oër shkak të shtresave të akullit. <br /><br />Në Bashkinë Has dhe në Bashkinë Tropojë aktualisht nuk ka probleme me akset rrugore rurale.
