Amerika Birləşmiş Ştatlarının (ABŞ) şərqindəki qar fırtınası səbəbindən baş verən qəzalarda ölənlərin sayı 19-a çatıb. <br /> <br />APA TV-nin xəbərinə görə, qar fırtınasının ağır fəsadları ölkənin 10-dan çox əyalətində 85 milyondan artıq insana təsir edib. <br /> <br />Bəzi əyalətlərdə 250 mindən çox evin elektrik enerjisi kəsilib. Eyni zamanda ictimai nəqliyyat tamamilə iflic olub. Virciniya ştatının qərbində qarın qalınlığı 1 metri keçib. <br /> <br />Ölkənin bir çox şəhərində yollar, körpülər və tunellər bağlanıb. Artan qəzalara görə həmin şəhərlərdə yola çıxmaq qadağası qoyulub. <br /> <br />ABŞ Milli Meteoroloji Xidməti növbəti günlərdə ölkənin şərq sahilinə doğru daha güclü qar çovğununun yaxınlaşdığını proqnozlaşdırıb.
