TIRANË - Kryetari i Partisë Demokratike Lulzim Basha ka zhvilluar një takim me krerët lokalë të PD-së ku ka dhënë edhe porositë e tij për aksionin opozitar dhe për riorganizimin e strukturave të PD-së në bazë.<br /> <br />Burime zyrtare konfirmojnë së në takimin me 53 kryetarët e degëve është diskutuar për aksionin opozitar ku kryetari Basha u ka kërkuar të organizohen në protesta në të gjithë vendin.<br /> <br />Burime konfidenciale konfirmojnë për Report TV se kryetari Basha ka qenë kritik me krerët e degëve pasi protesta duhet të kishin nisur më herët.<br /> <br />Të njëjtat burime thonë se kryetari Basha ka kërkuar që të evidentohen të gjitha problematikat që janë në terren në raport me keqqeverisjen ndaj qytetarëve por gjithashtu lideri i opozitës kishte porosi për kryetarët e degëve që të angazhohen për riorganizimin e strukturave.<br /> <br />Kreu i selisë blu ka kërkuar që puna të jetë konkrete dhe seksionet të jenë me kapacitet të plotë dhe jo fiktive.<br /> <br />Ndërkaq mësohet se Basha u ka kërkuar kryetarëve të degëve të qëndrojnë larg me ndikimin e tyre për zgjedhjen e kryetarëve të rinj të Forumit Rinor dhe të Forumit të Gruas Demokrate.<br /> <br />Në ditët në vijim kryetari i Partisë Demokratike pritet që të adresojë një udhëzim krerëve të degëve të fokusuar në porositë që u dha gjatë takimit në selinë e PD.
