Ötən axşamdan başlayaraq paytaxt ərazisinə qar yağmağa başlayıb. Əsasən ucqar nöqtələrə yağan qar hazırda da davam edir. <br /> <br />Çəkiliş apardığımız Dənizkənarı Bulvarı qar ağ rəngə bürümüşdü. <br /> <br />Paytaxt təsərrüfatının işçiləri Dənizkənarı Bulvar ərazisini qar və buzdan təmizləməklə məşğul idi. Onlar vətəndaşlara bulvarın hələ buzdan təmizlənməmiş hissələrinə getməməyi məsləhət görürdülər. <br /> <br />Qar bulvarın xidmət sektorunun da işinə heç bir təsir etməmişdi. Hətta adi günlərdə əraziyə dincəlməyə gələn əhaliyə xidmət göstərən simvolik qatara bu gün də rast gəlmək olardı. <br /> <br />Qarlı havalarda ilk ağla gələn faktorlardan biri də paytaxt nəqliyyatının hərəkətidir. Çəkiliş apardığımız Neftçilər prospekti boyunca nəqliyyat vasitələri maneəsiz olaraq yollarına davam edirdi. <br /> <br />"Hal-hazırda paytaxtın Neftçilər prospektindəyik. Burada avtomobillərin hərəkətində hər hansı bir problem yoxdur. Baxmayaraq ki, qar yağıb, amma nəqliyyat vasitələri istənilən istiqamət üzrə sərbəst şəkildə hərəkət edə bilir". <br /> <br />Qeyd edək ki, Ekologiya və Təbii Sərvətlər Nazirliyi ölkə ərazisində yağmurlu və küləkli hava şəraitinin sabah gündüz saatlarınadək davam edəcəyini bildirib.
