Bakı-Qazax magistralında mikroavtobus aşıb. APA TV-nin olay yerində olan əməkdaşının verdiyi məlumata görə, hadisə Bakı-Qazax magistralının 167-ci kilometrliyində qeydə alınıb. <br /> <br />Ağdam rayon sakini, 1962-ci il təvəllüdlü Yusif Teymur oğlu Abdullayevin idarə etdiyi “Ford” markalı, 10 XC 133 dövlət nömrə nişanlı mikroavtobusu Bakı istiqamətində hərəkətdə olarkən aşırıb. Nəticədə mikroavtobusda olan 10 nəfər yüngül xəsarət alıb. <br /> <br />Hadisə yerinə 5 təcilli tibbi yardım maşını gəlib. Sərnişinlərə yerində tibbi yardım göstərilib. İlkin ehtimala görə, mikroavtobusun aşmasına yolun buz bağlaması səbəb olub. <br /> <br />Faktla bağlı araşdırma aparılır.
