DURRES - "Kërkoj falje!" Mëshira që ka kërkuar mësuesi dhunues i nxënësit të klasës së shtatë në shkollën "Hasan Koci", ka bërë që Gjykata e Durrësit t'i japë lirinë 52-vjeçarit Flamur Paja. <br /><br />Mësuesi pranoi aktin e shëmtuar, por duke sqaruar se nuk ka asgjë personale me fëmijën. Paja kërkoi gjykim të shkurtuar çka u pranua nga Gjykata. Në këtë kushte, në rast të një vendimi, mësuesi përfiton uljen e dënimit me 1/3. <br /><br />Ministria e Arsimit e përjashtoi nga detyra mësuesin pas publikimit në media sociale të një video ku Paja dhunonte një nxënës në mes të klasës,<br /><br />Mësuesi Flamur Paja do të ndiqet penalisht në gjendje të lirë për akuzën e shpërdorimit të detyrës dhe duhet të paraqitet në Prokurori çdo të hënë në kuadër të hetimeve që do të vazhdojnë ndaj tij. <br /><br />Në dëshminë e tij para trupit gjykues mësuesi tha se provokuar përreth një jave nga nxënësit, ndaj është detyruar të ushtrojë dhunë ndaj nxënësit. Një ditë më parë, vetë familjarët e të dhunuarit u shprehën se e kanë falur mësuesin dhe se ishin dakord për kthimin e tij si mësimdhënës në shkollën 9-vjeçare "Hasan Koçi".
