VLORË - Brenda disa muajsh, për herë të parë, anije të mëdha turistikë mund të ankorohen në portin e Vlorës. Kryeministri Edi Rama ka inspektuar punimet për rehabilitimin e plotë të portit, i cili parashikohet të përfundojë brenda vitit, duke përfshirë thellimin e basenit aktual , ndërtimin e një sheshi kryesor mallrash dhe një terminali modern udhëtarësh, një investim ky prej 15 milionë eurosh .<br /><br />?Porti i Vlorës është konceptuar si pjesë e projektit të Lungomares, që vazhdon nga porti drejt Pyllit të Sodës. Pjesë e këtij projekti është edhe ndërtimi i një porti jahtesh, ndërsa Rruga e re Transballkanike, e cila ka përfunduar, do të ketë edhe një segment të dytë që nis nga rruga ekzistuese deri në port?, - u shpreh Kryeministri.<br /><br /><br />Më pas gjatë inspektimit të punimeve për segmentin rrugor që lidh rrugën Transballkanike me superstradën Fier-Vlorë, një investim me vlerë rreth 346 milion lekë, kryeministri la personalisht porositë e tij. Në bisedën që zhvilloi me ekspertët Rama kërkoi t'i kushtohet shumë vëmendje cilësisë së punës, për të ofruar një infrastrukturë të denjë për një qytet mesdhetar turistik. <br /><br />?Hymë në një qytet mesdhetar turistik, trotuaret duhet të jenë perfekt, ndriçimi duhet të jetë perfekt, gjelbërimi duhet të jetë i tillë. Në të dyja anët duhet të jetë e gjitha 2 me shirita pemësh të rritura pak, në mënyrë që brenda dy-tre vjetësh të krijojnë një kurorë dhe të hijezojnë. Pastaj do të vazhdojmë segmentin tjetër deri tek drejtoria e portit që të bëjmë standartizimin. Rëndësi ka që ky segment i hyrjes në këtë sezon të jetë komplet tjetër?, tha kryeministri.<br /><br />Rruga Transballkanike është një investim me rëndësi strategjike në infrastrukturën jo vetëm të qytetit të Vlorës, por edhe të vendit dhe përfundimi i saj do të përmirësojë ndjeshëm lëvizjen e mjeteve të transportit në hyrje dhe dalje të qytetit të Vlorës. <br /><br />Kryeministri inspektoi dhe rrugën e spitalit të Vlorës. Ndërkohë në qytetin të cilin e nxori deputet ai ndodhej dhe në kuadër të hapjes së fushatës për zgjedhjen e delegatëve të kongresit dhe anëtarësimet e reja të partisë.
