Çanaqqala sahillərində göyərtəsində uşaqların da olduğu daha bir miqrant gəmisi qəzaya uğrayıb. APA TV-nin türk mətbuatına istinadən xəbərinə görə, baş vermiş hadisə nəticəsində ilkin məlumatlara əsasən, 39 nəfər ölüb. <br /> <br />Gəmi sərnişinlərinin əsasən Birma, Əfqanıstan və Suriya əsilli miqrantların olduğu bildirilir. <br /> <br />İlkin bilgilərə görə, xilasedicilər 75 nəfəri sulardan xilas etməyə müvəffəq olub. Onlara elə hadisə yerindəcə ilkin tibbi yardım göstərilib. <br /> <br />Hazırda sahildə onlarla təcili yardım briqadası növbə çəkir. <br /> <br />Bölgədə xilasetmə əməliyyatları davam edir.
