Drejtuesit vendor të Qarkut të Kukësit i kanë kërkuar qeverisë shqiptare që të vërë në funksion aeroportin e Kukësit, një vepër që është ndërtuar pas krizës së Kosovës, por që asnjëherë nuk u vu në punë, ndonëse kanë kaluar më shumë se 15 vite.<br /><br />Sipas autoriteteve vendore, zhvillimi i qytetit verilindor të Kukësit është i lidhur ngushtësisht me hapjen e Aeroportit.<br /> <br />Sipas kreut të Këshillit të Qarkut Abedin Oruçi, ky aeroport i plotëson të gjitha kushtet për tu vënë në funksion.<br /><br />Ndërkohë, funksionalizimi i aeroportit kërkohet edhe nga banorët si e vetmja mundësi për hapjen e vendeve të reja të punës në zonën më të varfër të këtij rajoni.
