3 persona kanë humbur jetën dhe 6 të tjerë janë plagosur gjatë një sulmi të armatosur në qytetin e Elbasanit, mbrëmjen e së mërkurës. Mësohet se viktima të atentatit me armë janë 2 vëllezërit, Agron e Arti Çapja. Tre nga 4 të plagosurit, emrat e të cilëve nuk dihen ende, të cilët kanë qenë në shoqërinë e viktimave janë nisur me helikopter në gjendje të rëndë në drejtim të Spitalit të Traumës në Tiranë, në gjendje të rëndë shëndetësore.<br /> <br />Ngjarja e rëndë ka ndodhur në ambjentet e kompleksit "Univers", pranë Stadiumit " Elbasan Arena" në zonën e Krastës. Burime policore bëjnë me dije se atentati kishte në shënjester anëtarët e familjes Çapja, pronarë të kompeksit "Univers", 2 vëllezërit e së cilës mbeten viktima. Po të njëjtat burime thonë se atentatorët ishin vënë në ndjekje të lëvizjeve të dy vëllezërve prej dy ditësh.<br /><br />Sipas policisë, personat e armatosur kanë shtënë mbi 12 herë me armë tip automatik kallshnikov dhe një pistoletë dhe dyshohet se vrasja është kryer për hakmarrje.<br /><br />Sakaq në ndihmë të policisë së Elbasanit janë nisur forcat speciale Renea, Fnsh e Tiranes, e Fnsh e Fierit. <br /><br />Policia po punon për kapjen e autorëve, të cilët janë larguar menjëherë pas sulmit me automatik. Në rrugët hyrëse e dalëse të qytetit janë ngritur postblloqe.
