Ministria e Financave ka vendosur të mos ripërtërijë për një dy vjeçar të dytë kontratën e bashkëpunimit me kompaninë britanike ?Crown Agents?, siç qe parashikuar fillimisht.<br /> <br />Megjithëse e vlerëson me nota pozitive bashkëpunimin e deritanishëm me këtë kompani, Ministria ka bërë me dije se kjo kontratë konsulence për administratën doganore mbyllet këtu.<br /> <br />Teksa bën një bilanc të asistencës dy vjeçare të asistencës së ?Croen Agents?, Ministria thotë se falë saj janë realizuar 17000 inspektime dhe janë gjetur 4 500 shkelje. <br /><br />Gjatë dy viteve të bashkëpunimit ma administratën doganore, në asnjë rast ?Crown Agents? nuk siguroi rritjen prej 90 milionë euro në vit për të ardhurat e premtuara nga kjo kompani në fillim të kontratës.<br /> <br />Madje përkundrazi, u kthyen për një barrë të rëndë në arkën e shtetit. Mbikëqyrësit anglezë, të cilëve qeveria Rama u besoi kontrollin e veprimtarisë së doganave shqiptare, u paguan nga buxheti i shtetit me jo më pak se 4 milionë e 250 mijë euro në vit për dy vjet, të cilat nuk i justifikuan në asnjë moment.<br /><br />Por sipas Ministrisë së Financave, kontrata me Crown Agents nuk lidhet vetëm me të ardhurat, por se kishte 4 objektiva kryesore që lidheshin me: luftën kundër korrupsionit, me miradministrimin, me elementë që kanë të bëjnë me përmirësimin e performancës dhe burimet njerëzore. Të gjitha këto, sipas Ministrisë do të çonin në një rritje të efektivitetit,që ne shpresonim të përkthehej në të të ardhura më të larta.
