TIRANE - Eefektivët e policisë ka tashmë flotë me motorë të rinj, më të shpejtë të cilët pritet të sjellin efikasitet në luftën kundër krimit <br /><br />Ministri i Punëve të Brendshme Saimir Tahiri i cili mori pjesë në ceremoninë e prezantimit të këtyre mjeteve të reja në shërbim të forcave Shqiponja dhe Rrugoret e Tiranës, tha se përmirësimi i instrastrukturës së Policisë së Shtetit, mbetet ende një domosdoshmëri në luftën kundër kriminalitetit. <br /><br />"Pretendojmë me plotë të drejtë, që ky hap modernizues i Policisë së Shtetit, do të shtojë kapacitetin reagues të policisë ndaj çdo paligjshmërie dhe vepre penale. Kuptohet që sfida për ta bërë këtë vend më të sigurt nuk është sfida e një dite, një muaji dhe as e një viti. Ne e dimë shumë mirë që bota e krimit mobilizon burime financiare dhe infrastrukturë që shpesh herë është shumë hapa para ndaj shtetit dhe Policisë. Ajo është detyra jonë që të bëjmë çfarë është e mundur që nëpërmjet modernizimit të Policisë të jemi në gjendje të reagojmë në mënyrë efektive duke mos lejuar që krimi të jetë para nesh. Modernizimi i Policisë, modernizimi i teknologjisë dhe kapaciteteve infrastrukturore është rruga e duhur për të pasur rezultate të qëndrueshme në kohë, në luftën kundër informalitetit, paligjshmërisë dhe kriminalitetit. Lufta kundër krimit është një luftë që nuk fitohet dot brenda ditës", tha Tahiri.<br /><br />Janë blerë 73 motorë, në vlerën e 109.5 mln lekë.
