Rikthehet pas 7 viteve baleti i famshëm klasik ?Arrëthyesi? në skenën e Teatrit Kombëtar të Operas dhe Baletit në datën e shënuar të Shën Valentinit. Drejtori Ilir Kerni si dhe koreografi i shfaqjes ka menduar ta sjellë me disa ndryshime të vogla por duke ruajtur elementët karakteristikë të këtij baleti.<br /><br />Një shfaqje për të gjithë familjen, me një skenografi vezulluese, me princ të kaltër, magji, zana dhe një botë embëlsirash. Në një rrëfim për mikrofonin e Report TV Kerni theksoi se me anë të këtij baleti TKOB do të shëtisë edhe në skenat botërore.<br /> <br />?Ne me këtë shfaqje shpresojmë shumë që të kalojmë kufijtë, të bëjmë një rrugë e dy punë. Po bëjmë një shfaqje për teatrin një shfaqje për Tiranën dhe publikun e gjërë por ndërkohë jemi për shfaqje që do të lëvizi dhe jashtë Shqipërisë,? shprehet Kerni.<br /> <br />Në baletin me dy akte përveç trupës së baletit të TOB do të marrin pjesë dhe nxënësit e shkollës së baletit. Ndërsa orkestra Simfonike e TKOB do të drejtohet nga Maestro Manuel Busto.<br /><br />Baleti "Arrëthyesi" është një vepër e veçantë për kompozitorin e famshëm rus Çajkovski, për të cilin ajo u bë njëfarë pike reflektimi, përsiatjesh në lidhje me kuptimin e jetës.<br /><br />Premiera do të jetë në 14 shkurt dhe do të vijojë edhe në datat 15, 20 dhe 21 shkurt.
