Të shtëna me armë zjarri janë dëgjuar në qytetin e Shkodrës, konkretisht në vendin e quajtur ?Qafë Hardhi? në afërsi të banesës së prokuroit Vat Staka që ka për bashkëshorte drejtoreshën e Sigurimeve Shoqërore Violeta Staka.<br /><br />Sapo banorët kanë njoftuar policinë, kjo e fundit ka shkuar menjëherë në vendin e ngjarjes dhe deri tani nuk dihet nëse ka persona të plagosur apo viktima.<br /><br />Uniformat blu kanë nisur hetimet për të zbardhur personin apo personat që kanë qëlluar.<br /><br />Ndërkohë, bashkëshortja e prokurorit ka deklaruar se ngjarja nuk ka lidhje aspak me familjen e tyre dhe se të shtënat kanë qenë në afërsi të një shtëpie tjetër.
