Më shumë se 34 mijë anëtarë të PS në katër qarqe të vendit zgjodhën të shtunën 336 delegatë të cilët do të përfaqësojnë bazën e Partisë Socialiste në qarqet: Korçë, Elbasan, Fier dhe Berat, në Kongresin që do të mbahet në muajin mars.<br /><br />5 mijë anëtarë të PS-së në qarkun e Beratit zgjodhën zgjodhën 49 delegatë. Nga qarku i Elbasanit u zgjodhën 87 delegatë nga votimi i<br />8 mijë e 800 anëtarë. 12 mijë anëtarët e PS në Fier përzgjodhën 118 delegatët që do ti përfaqësojnë në Kongresin e marsit. Zgjedhje u zhvilluan edhe në Korçë kur u zgjodhën 82 delegatët e këtij qarku.<br /><br />Në zgjedhjet e ditës së shtunës konkurruan afro 1000 kandidatë për të propozuar nga anëtarësia e partisë në 23 bashki, në përbërje të të cilave janë 151 njësi administrative.<br /><br />Sipas kritereve të përcaktuara 50 përqind e përfaqësuesve në Kongres do të jenë gra dhe një e treta e tyre janë të moshës 18 - 25 vjeç.<br /><br />Në ditët në vijim zgjedhje do të zhvillohen edhe në qarqet e tjera.<br /><br />Partia Socialiste e Tiranës dhe Durrësit do të votojë në 20 shkurt, ndërsa Shkodra, Lezha, Kukësi dhe Dibra do të votojnë në 27 shkurt.<br /><br />Në këtë proces do përfshihen 122 mijë anëtarë të 12 qarqeve të Shqipërisë.
