Një 52-vjeçar nga Tirana dhe dy maqedonas u arrestuan nga policia pasi ishin në kërkim për trafik ndërkombëtar të drogës, në funksion të të njëjtin procedim penal të një vit më parë ndaj grupit të trafikantëve.<br /> <br />Bashkim Murataj u arrestua këtë të shtunë në kryeqytet, ndërsa Mevlan Idriz 39 vjeç nga Tetova dhe Mahid Abdi 46 vjeç nga fshati Sallarevë i Maqedonisë u arrestuan nga policia kufitare në Kapshticë.<br /> <br />Policia sekuestroi edhe 73 gramë kanabis, 4 aparate celularë, 150 euro dhe 1 makinë Vloksvagen polo. këto arrestime vijnë në kuadër të operacionit ndërkombëtar të koduar "Chema", i nisur në 7 maj të 2015-ës dhe i finalizuar këtë të shtunë me tre arrestime të tjera.<br /><br />Ndërkohë, në kuadër të këtij operacioni janë arrestuar e ndaluar edhe 15 persona u në Maqedoni dhe Serbi.<br /><br />Operacioni për arrestimin e tyre është koordinuar nga Drejtoria për Hetimin e Narkotikëve dhe Trafiqeve në Policinë e Shtetit, në bashkëpunim me DVP Tiranë, Korçë dhe autoritetet policore maqedonase, serbe, turke dhe kosovare.<br /> <br />Në operacionin Chema që zgjati rreth 1 vit në Shqipëri, Maqedoni dhe Serbi janë sekuestruar në total 3232 gr heroinë, 4600 gr kanabis sativa dhe 2.83 gr kokainë.<br /> <br />Në një njoftim zyrtar për mediat, policia thotë se "bashkëpunimi midis Policive të shteteve fqinje ka qenë shumë i mirë, i koordinuar, dhe shkëmbimi i informacionit midis palëve ka qenë shumë intensiv ku çdo gjë është transmetuar në kohë reale".
