Reshjet e shiut të ditëve të fundit dhe prurjet e mëdha të lumit Mat kanë sjellë probleme të mëdha në Rrugën e Kombit.<br /><br />Është hera e katërt brenda harkut kohor të një muaji që ky aks dëmtohet në afërsi të Skurajve në Milot.<br /><br />Rritja e nivelit të lumit vuri në alarm autoritetet, pasi dëmtimet ishin në 5 pika të ndryshme.<br /><br />U desh ndërhyrja e firmës mirëmbajtëse të rrugës dhe ushtrisë për të penguar vërshimin e ujit dhe dëmtimin e mëtejshëm të rrugës.<br /><br />Probleme në Rrugën e Kombit ka pasur edhe në afërsi të Fanit.<br /><br />Për shkak të reshjeve të shiut vijon të ketë probleme me rreshqitjen e gurëve.
