TIRANË - Një person i paidentifikuar dyshohet të jetë vrarë me një plumb në zemër dhe të jetë groposur në Malin e Dajtit gjashtë muaj më parë.<br /><br />...<br /><br />Kufoma e dekompozuar e një mashkulli u gjet e groposur jo shumë në thellësi në fshatin Prisk Dajt, nga qeni i një bariu i cili ka gërmuar duke nxjerrë në pah trupin e pajetë. Burime nga Policia e Tiranës thanë për Shqiptarja.com se ka dyshime që personi ende i paidentifikuar të jetë vrarë me armë, kjo pasi në trupin e tij ka një vrimë në zemër. Të njëjtat burime thanë se ai mund të ketë gjashtë muaj që është vrarë.<br /> <br />Përmes një njoftimi zyrtar për mediat, policia tha se njoftimin për këtë ngjarje e mori nga një bari i zonës, i cili tha se kishte gjetur kufomën e një mashkulli në vendin e quajtur "Zabel".<br /> <br />Sipas policisë, kufoma u transportua pranë morgut në qendrën Spitalore Universitare Nënë Tereza dhe pas ekzaminimeve mjeko-ligjore pritet të mësohet më shumë për moshën e tij dhe nga se mund t'i jetë shkaktuar vdekja.
