Deputeti i Partisë Demokratike, Gerti Bogdani ka paraqitur sot në Komisionin e Ekonomisë një projektligj që parashikonte mbështetjen me energji falas nga ana e Shtetit për familjet më në nevojë.<br /> <br />Por ky projektligj është rrëzuar me votat e shumicës, pasi sipas të majtëve ky projektligj duhej ti ishte drejtuar Komisionit parlamentar të Punës, ndërkohë që një skemë e tillë mund të sjellë abuzime në hartimin e listave dhe përfituesve të vërtetë.<br /> <br />Ndërkohë, deputeti tjetër demokrat, Ridvan Bode ka akuzuar qeverinë se ajo ka harruar shtresat më në nevojë të shoqërisë, ndërkohë që tha se nëse ky projektligj kalohet Shtetit do i duhet të shlyejë jo më shumë se 500 milion lekë.<br /> <br />Ja diskutimet e deputetëve në Komisionin e Ekonomisë<br /> <br />Gert Bogdani: Projektligji që ne sollëm sot në Komision është një mbështetje për familjet më në nevojë, ku parashikon energji falas për 82 mijë familje. Kostoja është mëse e përballueshme për shtetin me një vlerë prëj 9 milion dollarë.<br /><br /><br />Erjon Braçe: Drafti duhet të ishte paraqitur në Komisionin Parlamentar të Punës<br /><br /><br />Të majtët: Projektligji mund të vendosë precedentë, mund të kërkojnë kompensim grupe të tjera shoqërore<br /><br /><br />Erjon Braçe: Ka qenë një skemë e tillë pak vite më parë, por më shume solli abuzime. Drafti duhet të paraqitet në Komisionin e Punës, jo te Ekonomisë.<br /> <br />Edmond Spaho: Duhet të mbështeten familjet më në nevojë.<br /> <br />Ridvan Bode: Shteti tashmë i ka harruar shtresat në nevojë. Fatura e këtij projektligji për shtetin nuk është më e lartë se 500 milion lekë.
