TIRANE - Kryeministri Edi Rama shkarkon ministrin e Financave Shkëlqim Cani. Në vendin e tij do të kalojë ministri aktual i Ekonomisë, Arben Ahmetaj. Ndërkohë vendin e shefit të Ekonomisë do ta zë Milva Ekonomi, zv.ministre e Shëndetësisë. Lajmi u mësua fillimisht nga burime të sigurta për Shqiptarja.com, ndërsa pak momente më pas përmes një deklarate zyrtare kryeministria solli detaje nga ky vendim. <br /><br />Ishte vetë kreu i qeverisë që e ka njohur Canin me zëvendësimin e tij nga kolegu Ahmetaj, duke e falenderuar njëherësh për angazhimin e tij në drejtimin e një prej dikastereve më të rëndësishme të këtij mandati njëkohësisht edhe më i vështiri. Shefi i mazhorancës i ka kërkuar Shkëlqim Canit të vijojë po më këtë profesionalizëm detyrën e tij si deputet i Kuvendit të Shqipërisë dhe anëtarit të Komisionit të Ekonomisë dhe Financave. Cani nuk kishte hequr dorë ende nga mandati i deputetit, siç ministrat e tjerë kanë bërë, ndaj largimi nga kryesimi i Ministrisë së Financave nuk e nxjerr atë në "rrugë", pasi ai do të vijojë të përfaqësohet si deputet. <br /><br />Nga ana e tij edhe Shkëlqim Cani ka ndarë vlerësime ndaj besimit të dhënë nga kryeministri, duke theksuar se angazhimi i tij politik do të vijojë.<br /><br />"Ministri Cani e falënderoi nga ana e tij Kryeministrin për besimin dhe bashkëpunimin e ngushtë në kapërcimin me sukses të situatës së rëndë financiare të trashëguar dy vjet e gjysëm më parë, si edhe e siguroi për vazhdimin me përkushtim të plotë të angazhimit të tij politik e profesional si deputet i Kuvendit të Shqipërisë", thuhet në njoftim.<br /><br />Në përfundim thuhet se: Detyrën e Ministrit të Financave, Kryeministri do t'ia besojë Z. Arben Ahmetaj, ndërsa detyrën e Ministrit të Ekonomisë, Turizmit, Tregtisë dhe Sipërmarrjes do t'ia besojë Znj. Milva Ekonomi"<br /><br />Milva Ekonomi ka qenë më parë në krye të Institutit të Statistikave.<br /><br />Këto ndryshime të rëndësishme në kabinetin qeverisës nuk janë të parat që ndodhin gjatë mandatit të koalicionit të majtë PS-LSI. I fundit ishte dorëheqja e ministrit të Drejtësisë Nasip Naço dhe emërimi në postin e tij i Ylli Manjani.
