Përfaqësues të shoqërisë civile kanë rrëzuar rrethimin e vendit ku Bashkia e Tiranës ka nisur punimet për ndërtimin e parkut të lodrave për fëmijët tek zona e liqenit artificial.<br /> <br />Ashtu siç ishte paralajmëruar, protesta ka nisur në orën 09:00 të paradites së të martës, ku kundërshtojnë ndërtimin e një parku nga Bashkia Tiranë.<br /><br />Aktivistët e Shoqërisë Civile gjatë protestës së tyre janë përplasur edhe me policinë bashkiake.<br /><br />Aktivistët i janë drejtuar Prokurorisë për të bërë padi ndaj kryebashkiakut për prerjen e pemëve dhe shkatërrimit të pasurisë publike.<br /><br />Sapo aktivist janë larguar, ekspertët kanë ringritur rrethimin, duke vijuar me punimet. <br /><br />Pas kësaj, përfaqesuesit e Partisë Demokratike prishën një pjesë të gardhit dhe filluan të mbjellin pemë të reja brenda rrethimit ku do ndërtohet këndi i lojrave për fëmijë.<br /> <br />Kryetari i grupit të këshilltarëve të djathtë, në bashkinë e Tiranës, Leonard Olli tha se ata nuk do të lejojnë që në parkun e liqenit të kryhen masakra të tilla, siç e ka quajtur ai projektin për këndin e fëmijëve të nisur nga Bashkia.<br /><br />?Nuk do lejojmë këtë masakër. Do vijojmë betejën ligjore. Nuk po na japin informacion. Po priten pemë në mënyrë të paligjshme? është shprehur ai.
