Pesë vite pas shkarkimit nga detyra me urdhër të Prokuorisë arrestohet ish kreykomunari i komunës Gosë Sinan Shala.<br /><br />Urdhër arresti për shallën është lëshuar këtë të mërkurë pasi ai akuzohet për shpërdorim detyrë falsifikim dokumentesh dhe abuzim me trojet publike. <br /><br />Këto vepra penale sipas Prokurorisë ai i ka kryer gjatë kohës që ka ushtruar detyrën e kreut të komunës Gosë në rrethin e Kavajës.<br /><br />Ndërkohë në kërkim policor është shpallur ish shefi i Kadastës së komunës Gosë Nezir Leçini, i cili akuzohet se në bashkëpunim me Shalën dhe zyrtarë të tjerë kanë përvetësuar 76 hektarë tokë pyll në bregdet duke e kthyer në tokë arë.<br /><br />Kjo sipërfaqe bregdeti sipas akuzës është në zonën e njohur si plazhi Vil Bashtovës aty ku shumë pranë saj ndodhet dhe Kalaja e Bashtovës dhe aktualisht është vënë në sekuestro për tu kthyer sërish në pronë shtetërore.<br /><br />Hetimet për këtë rast janë kryer nga Njësia Antikorrupsion e ngritur në kryeministri e cila në bashkëpunim me prokurorinë kanë zbardhur skemën e përvetësimit të pronës shtetërore.<br /><br />Pak kohë më parë për të njëjtën akuzë Prokuroria ka arrestuar dhe tre persona të tjerë mes tyre dhe ish kryeregjustruesin e hipotekës së Kavajës.<br /><br />Sinan Shalla ish kryekomunari i komunës Gosë u shkarkuar me vendim qeverie në vitin 2011 ndërsa ndaj tij rëndon dhe një tjetër akuzë e bërë nga Inspektoriati i Deklarimit të Pasurive, për fshehje pasurie.
