ReportTV siguron fotot e Ermal Binjakut personit të dyshuar si autor të atentatit në mbrostar të Fierit ku më 9 janar i mori jetën Denis Kasajt. Është ky Ermal Binjaku i cili prej një muaji rezulton i shpallur në kërkim policor nga hetuesit që po merren me zbardhjen e atentatit dhe motivin që coi në vdekjen e Kasajt dhe plagosjen e Elton Margaritarit dhe Klement Kastratit.<br /><br />Burime të rezervuara nga grupi hetimorë i thanë Report Tv se Binjaku personi që shihni në këtë foto rezulton të jetë i përfshirë në këtë ngjarje për shkak të hasmërive me fisin Kastrati për konflikte të ndodhura vite më parë.<br /><br />Pas një muaji kërkime ai nuk është gjetur në territorin Shqiptar dhe të dhënat e tij së bashku me foton i janë përcjell policive homologe në Greqi dhe Itali ku dyshohet se ai fshihet. Pak ditë më parë policia mundi të prangos dhe Ylli Nazerajn në akuzën e bashkëpunimit në vrasje dhe sigurimit të mjeteve për të kryer vrasjen ndërsa në total për atentatin e 9 janarit janë 4 të dyshuar.<br /><br />Ilirjan memushaj, ish agjenti i SHISH Florian Bushi, Ylli Nazeraj dhe Ermal Binjaku për të cilin hetuesit dyshojnë se është autori direkt i atentatit.<br /><br />Për të arritur deri tek emri i Binjakut hetuesit i janë referuar komunikimeve telefonike ndërmjet tabulateve të Ilir Memushajt dhe Ylli Nazerajt, paçka se këta të fundit kanë mohuar përfshirjen në krim.<br /><br />Ndaj Binjakut Gjykata e Fierit ka shpallur në mungesë masën e sigurisë arrest me burd pasi ndaj tij rëndon akuza e vrasjes në rrethana cilësuese kryer në bashkëpunim.<br />Mbrëmjen e 9 Janarit Kasaj udhëtonte me një automjet nga Tirana drejt Fierit ndërsa lëvizja e tyre është survejuar nga atentatorët të cilët në kthesën e Mbrostarit i zunë pritë duke i qëlluar me breshëri automatiku.
