TIRANË - Gjatë vitit 2015 shteti shqiptar ka nënshkruar marrëveshje për të marrë hua të reja apo për të dhënë garanci në masën 976 milionë euro. Sipas ministrisë së Financave, vitin e kaluar huatë më të mëdha janë nënshkruar me Deutsche Bank, në vlerë 250 milionë euro në ndihmë të buxhetit; Bankën Botërore, me vlerë 65.9 milionë euro për projektin e sigurisë dhe mirëmbajtjes së rrugëve dhe me vlerë 32.1 milionë euro për përmirësimin e sistemit shëndetësore, etj. Ndërkohë, një hua më e madhe është marrë në tregun e lirë të kapitaleve, nëpërmjet eurobondit të dytë të emetuar nga shteti shqiptar, me vlerë 450 milionë euro.<br /><br />Përveç këtyre, shteti ka dalë garant edhe për dy hua, në sektorin energjetik dhe atë të medias audiovizive.
