Shoqëria civile ka protestuar edhe këtë të dielë tek Parku i Liqenit për ndërtimin aty të një këndi lojrash nga ana e Bashkisë së Tiranës. Protesta e parashikuar për në orën 11 nuk ka nisur aspak e qetë pasi shoqëria civile është përplasur fizikisht me policinë.<br /><br />Situata është rënduar së tepërmi kur policia bashkiake së bashku me forcat shqiponja kanë shoqëruar rreth 10 persona mes të cilëve dhe gra e vajza.<br /><br />Përfaqësuesi i Shoqërisë Civile, Pedagogu Ervin Goci paralajmëroi përshkallëzim të protestave kundër ndërtimit tek parku i liqenit. Bashkia nuk mund të grabisë 4 hektarë pemë tek liqeni, dhe të bëjë atje çfarë të dojë.<br /><br />?Ai park ka kufi, ka status, nuk mund të grabisësh 4 hektarë pemë dhe të thuash unë këtu mund të bëj çfarë të dua. Demokracia e drejtpërdrejtë është t?i vë hu ne i heqim. Nëse bashkia nuk tërhiqet, sot jemi 200-300 veta, nesër do jemi më shumë. Të mbajnë përgjegjësi ata që kanë ushtruar dhunë.?- u shpreh Goci.<br /><br />Nga ana tjetër një qëndrim të ashpër ka mbajtur dhe ambientalisti Sazan Guri, i cili ka dënuar ndërtimin e këndit të lojrave në kodrat e Liqenit Artificial.
