Përplasja mes presidentit dhe mazhorancës nuk ndodh për herë të parë. Po ashtu dhe bllokimi i dekreteve të emerimit të ministrave ka një precedent.<br /><br />Ai daton në 2002 kur ish-kryeministrit Nano i'u desh të qeveriste disa muaj me zwvendws ministra por ndryshe nga tani, kur pengesë për emerimin e tyre është pikërisht kreu i shtetit, në atë kohë konflikti ishte mes rradhëve të maxhorancës.<br /> <br />Në fund të qershorit 2003, zëvendës kryeministri dhe ministri i jashtëm Ilir Meta, dha dorëheqjen nga posti që mbante në qeverinë Nano. Bashkë me të u largua nga qeveria edhe ministri i Integrimit, Sokol Nako, mbështetës i tij .<br /> <br />Fatos Nano propozoi Marko Bellon e Ermelinda Meksin, për të plotësuar këto vakanca. Ndonëse presidenti Moisu dha "ok" dekreti i tij i emerimit për Bellon u rrëzua me votë në seancën plenare nga opozita dhe 16 deputete përkrahës së Metës.<br /> <br />Ministria e jashtme u drejtua nga zv/Ministri deri në tetor të 2003-shit. Për këtë post dhe atë të Ministrit të rendit, të mbetur bosh pas dorëheqjes së Luan Ramës, kryeministri Nano propozoi Namik Doklen dhe Fatmir Xhafajn.<br /> <br />Skenari u përsërit dhe drekretet u rrëzuan sërisht nga deputetët. Nano qeverisi me zëvendësministra deri në kongresin e partisë së 12 dhjetorit.<br /> <br />Në këto kushte presidenti i vendit, Alfred Moisiu, i kërkoi publikisht Kryeministrit Nano të rikonfirmonte mazhorancën në Parlament, pasi vendi nuk mund të qeverisej me tre vende ministrore bosh, ose të kalonte në zgjedhje të parakohshme.<br /><br />Më 24 dhjetor 2003 pasi u rikonfirmua kryetar i PS, Nano paraqiti kabinetin e ri te Presidenti Moisiu dhe Parlamenti e votoi me numrin e nevojshëm të votave.<br /><br />Tashmë kur presidenti Nishani ka dërguar për interpretim në kushtetuese çështjen e dekreteve, në vitin 2002 kjo gjykatë ka zgjidhur një konflikt të ngjashëm brënda 24 orëve. Në shkurt 2002, kur qeveria ?Majko 2? priste të merrte miratimin e saj nga Kuvendi, kreu i opozitës së atëhershme Sali Berisha iu drejtua Gjykatës Kushtetuese për ta quajtur antikushtetues dekretimin e kabinetit qeveritar nga ana e Presidentit, pa marrë më parë votëbesimin në Kuvend.<br /> <br />Gjykata Kushtetuese e kryesuar nga Fehmi Abdiu vendosi se procedura e ndjekur për emërimin e kryeministrit ishte e drejtë.<br /><br />Sipas rregullit të saj, brenda dy muajve nga depozitimi i kërkesës në këtë gjykatë, anëtarët e saj duhet ta marrin në shqyrtim atë, ndërsa dhënia e vendimit, e veçanërisht zbardhja e tij, nuk kanë asnjë afat të përcaktuar kohor.
