VLORE - Rruga muze "Justin Godart" në qytetin e Vlorës, rruga ku çdo gur mbart një histori është lënë në mëshirë të fatit nga ana e shtetit. Edhe pse është një rrugë e mbrojtur me vendim qeverie, prej 30 vitesh ajo nuk njeh asnjë investim. Agim Haxhiraj, drejtori i monumenteve kulturore për qarkun e Vlorës shprehet se ka ardhur koha që në këtë rrugë të vihet dorë për të mos u zhdukur kjo vlerë kombëtare.<br /> <br />Edhe vetë emri i rrugës ka një histori, pasi Justin Godart ka qenë një deputet francez që ka mbrojtur të drejtat e Shqipërisë.<br /> <br />Si një nga rrugët më të vjetra në qytetin bregdetar, ?Justin Godart? lidhet ngushtësisht me shpalljen e Pavarësisë më 1912, ku kanë banuar e punuar që nga Ismail Qemali e Marigo Posio e deri tek luftëtarët e ardhur nga Kosova për pavarësimin e Vlorës.<br /> <br />Kjo rrugë, e këto objekte vetëm nën mbrojtjen e shtetit nuk mund të jenë, pasi çdo godinë është kthyer në dyqan rrobash e fruta perimesh.<br /> <br />Në fund drejtori i monumenteve kulturore pohon se ka një projekt për restaurimin e kësaj rruge, e cila mbart 30 objekte kulturore që nga shekulli i 19, por fondet që janë akorduar ne këtë drejtori janë minimale për te restauruar totalisht rrugën muze. <br /> <br />Por deri sa ky projekt të gjejë zbatim le të shpresojmë që ndonjë objekt tjetër të mos përfshihet nga flakët si godina ?Bombei? e vetëm pak ditëve më parë.
