VLORË - Dy të rinj kanë udhëtuar të armatosur nga Elbasani në drejtim të Vlorës për një qëllim ende të pamësuar, ku u zbuluan e u arrestuan nga policia në vendin e quajtur "Pusi i Mezinit".<br /> <br />Artan Dedja 37 vjeç dhe Saimir Preça 22 vjeç u arrestuan nga policia e qytetit bregdetar pasi në makinën tip Benz me të cilën ata kishin ardhur nga Elbasani, ju gjetën 1 automatik, një pistoletë, granatë bashkë me ndezësin.<br /> <br />Policia mundi të finalizojë operacionin e koduar "parandalimi" në bazë të informacioneve të marra në rrugë operative si dhe në vijim të kontrolleve për kapjen e personave në kërkim dhe atyre që qarkullojnë me armë pa leje.<br /> <br />Policia po heton për të zbardhur qëllimin e lëvizjes së këtyre dy shtetasve nga Elbasani të armatosur në qytetin e Vlorës.<br /> <br />Deri më tani ata akuzohen për "Prodhim dhe mbajtja pa leje e armëve luftarake dhe municioneve?.<br /> <br />Policia bllokoi makinën BENZ" me targë: AA 575 JY në pronësi të Artan Dedjes dhe sekuestroi:<br /><br />- 1 armë zjarri "Automatik" model 56, bashkë me 1 krehër<br />- 1 armë zjarri Pistoletë të llojit "EKOL" bashkë me një krehër me 15-fishekë të kalibrit 9 mm<br />- 1 granatë dore difensive<br />- 1 ndezës granate<br />- 4 aparate celular
