Për sasinë e 574 kg kanabis sativa kapur dy ditë më parë në Kapshticë, veç shoferit të kamionit në të cilin u gjet lënda narkotike, si bashkëpunëtor në këtë trafik u arrestua edhe 45 vjeçari Lutfi Shabani, i njohur me nofkën Ben Çami.<br /> <br />Ai është një nga personazhet e njohur të botës së trafikut, dhe një nga njerëzit e Emiljano Shullazit. Ben Çami nuk është një emër i panjohur për autoritetet hetimore shqiptare.<br /> <br />Disa herë më parë, parë ai është arrestuar nga hetimet e kryera për akuzën e organizimit dhe trafikimit ndërkombëtar të lëndëve narkotike apo dhe të tranzitimit të brendshëm të saj.<br /> <br />Në rastin e fundit ashtu si edhe në rastet e mëparshme Shabani, është i dyshuar si organizator dhe koordinator, i trafikimit të 574 kg lëndëve narkotike nga Shqipëria në drejtim të Turqisë.<br /><br />Bashkë me të, policia arrestoi të dyshuar si bashkëpunëtor në këtë rrjet edhe Janaq Koçelin 58 vjeç, banues në Durrës.<br /> <br />Gjatë marrjes në pyetje në polici, asnjë prej tyre nuk ka pranuar të ketë lidhje me këtë histori, por burimet e policisë thonë se mes tyre janë gjetur komunikime telefonike por edhe lidhje të njohura mes tyre, ndërsa pritet të zbardhen edhe të dhëna të tjera në vijim të hetimit.<br /> <br />Lutfi Shabani, rikthehet në duart e policisë, vetëm pak kohë pas shlyerjes së një dënimi të dhënë ndaj tij nga autoritetet gjyqësore. Në vitin 2008, Lutfi Shabani, u arrestua në atë kohë bashkë me dy persona të tjerë ndërsa transportonin një sasi prej 15 kg lënde narkotike, në drejtim të Durrësit.<br /><br />Lënda narkotike u gjet në një automjet parë mjetin "BMË", me targa, DR 3545 E. Droga ishte paketuar bagazhin e makinës në 30 pako të vogla me nga rreth 500 gramë secila.<br /> <br />Në vitin 2006 Shabani, u arrestua gjatë operacionit të koduar ?Identikit?, ku policia arrestoi më tepër se dhjetë persona në një operacion të përbashkët edhe me autoritetet italiane.
