Ministrja e Zhvillimit Urban, Eglantina Gjermeni, deklaroi në studion e emisionit ?5 Pyetje nga Babaramo? në Report TV se Këshilli Kombëtar i Territorit ka miratuar vetëm ndërtimin e një këndi lojërash në parkun e Liqenit Artificial por sipas saj ky kënd është pjesë e një masterplani për të gjithë parkun e që nuk ka përfunduar ende. Gjermeni tha se nuk do të ketë ndërtime në brendësi të Parkut. Sa i takon ndërtimeve shumëkatëshe pranë liqenit, 17-katëshit te diga dhe 13 katëshit përballë Fakultetit Ekonomik, Gjermeni tha se lejet janë dhënë nga qeveria e mëparshme dhe ish kryetari i Bashkisë, Lulzim Basha. <br /><br />Pyetjes se nëse do të ketë betonizim të parkut Gjermi iu përgjigj ?Nuk besoj? ndërkohë që shtoi se ?Kur të përfundojë masterplani do e shohim por ju garantoj se. Ky do të prezantohet e më pas do të shohim nëse do të ketë apo ndërtime, por dyshoj të ketë sepse thashë që studioja është me përvojë do të shohim dhe do të rivitalizohet parku?<br /><br />Duke folur për atë që quhet Rilindja Urbane, Gjermeni tha se hartimi i Planit të Përgjithshëm Kombëtar i cili pritet të miratohet brenda muajit mars dhe dy planet ndërsektoriale, ai i bregdetit dhe plani Tiranë-Durrës janë 3 nga nismat kryesore të kësaj ministrie që synojnë një zhvillim të qëndrueshëm të qyteteve.<br /><br />Këto plane sipas Gjermenit, jo vetëm ndikojnë në zhvillimin ekonomik dhe social të qyteteve por janë edhe garanci për investimet qoftë vendase apo të huaja.<br />Ministrja e Zhvillimit urban tha se qeveria në këto dy vite nuk pretendon të ketë rilindur Shqipërinë, por sipas saj ka treguar modelin e zhvillimit të territorit.
