Pas ish kryetares së Kuvendit Jozefina Topalli edhe aleatet e PD i kërkojnë kryetarit të opozitës Lulzim Basha ashpërsim të reagimit opozitar përballë maxhorancës. <br /><br />Në një intervistë për Report Tv Kryetari i PR Fatmir Mediu ndërsa vlerëson rrugën që ka ndjekur lidershipi demokrat prej rreth tre vitesh shprehet se reagimi duhet të jetë edhe më i fortë.<br /><br />Ky reagim mbështetet edhe nga kreu i LZHK Dashamir Shehi, i cili ndonëse vlerëson performancën e Bashës në aksionin opozitar mendon se ka vend për përmirësime pasi siç thote ai ka një mision të vështirë për të kryer.<br /><br />Dorëzimi i mandatit as nuk shihet si opsion për Fatmir Mediun dhe Dashamir Shehin.<br /><br />Sipas aleatëve të PD-së mënyra më e mirë e reagimit duhet të vijë përmes debatit dhe detyrimit të maxhorancës për implementimin e ligjit të dekriminalizimit që do ti largonte deputetët e inkriminuar nga parlamenti.<br /><br />Për këto çështje foli në të njëjtën linjë, një ditë më parë edhe ish kryetarja e Kuvendit Jozefina Topalli.
