TIRANE - Shumë shpejt policia do të nisë aplikimin e gjobave këshilluese. Ky fakt është pohuar nga Ministri i Brendshëm, Saimir Tahiri, i cili sot inspektoi punimet për rikonstruksionin e godinës së Policisë Rrugore në Tiranë. Tahiri shtoi se marrëdhënia mes policit rrugor dhe qytetarit duhet të bazohet tek këshillat dhe jo tek gjobat ndëshkuese.<br /><br />Ndërkohë, ministri ju shmang interesit të gazetarëve për Byronë e Hetimit. <br /><br />Pyetje: Komisioni i Venecias sugjeroi që Byroja e Hetimit të mos ishte në varësi të drejtorit të përgjithshëm. Do e mbështesni ju këtë variant? Sepse mbi të foli dhe ministri i Drejtësisë ditën e djeshme.<br />Ministri Tahiri: Unë besoj që, përtej lajmit të ditës, është shumë e rëndësishme të bëjmë ç?është e mundur që qytetarët të mos përballen më me të shkuarën në shërbimet që marrin nga Policia Rrugore. Dhe është shumë e domosdoshme që në rast se vijnë këtu në sportel, në Policinë Rrugore apo çdo sportel të Policisë të Shtetit, të gjejnë një shërbim pa korrupsion.<br /> <br />Pyetje: Zoti ministër, do t?i qëndroni variantit të miratuar në qeveri mbi Byronë Kombëtare të Hetimit, pas rekomandimeve të Venecias?<br />Ministri Tahiri: Ju do vazhdoni të pyesni, dhe unë do vazhdoj të përgjigjem për këtë, sepse besoj që vuajtja e përditshme e qytetarëve duke u paraqitur në sportelet e Policisë së Shtetit është e pamerituar. Dhe për këtë duhet ndrequr.
