Intervista e këngëtarit Ardit Gjebrea me vrasësin Marjan Rroku ish agjentin e Shërbimit Informativ Shtetëror dënuar me burgim të përjetshëm për vrasjen e Alda dhe Maribe Canaj dhe e transmetuar në Televizionin Kombëtar Klan në emisionin e ?Diela Shqiptare? në fashën orare me audiencë të lartë nuk ishte thjesht një skup gazetaresk për të rritur shikueshmërinë.<br /><br />Realizimi dhe transmetimi i intervistës duket si pjesë e një plani të përgatiturnga Marjan Rroku për të shpëtuar nga burgu që ka gjetur në Tv Klan një aleat të fortë.<br /><br />Vetëm 18 ditë para transmetimit të intervistës i dënuari me burgim të përjetshëm për vrasjen e Alda e Maribe Canajt i është drejtuar gjykatës kushtetuese me kërkesë për shfuqizimin e dënimit.<br /><br />ReportTv ka zbuluar se më 9 shkurt 2016 në këtë Gjykatë është depozituar kërkesa nga i dënuar Marjan Rroku ku ai kërkon shfuqizim dënimi. 18 ditë pas kësaj kërkesë transmetohet në TV Klan Intervista e tij çka shërben për të përforcuar argumentet që ish agjenti i SHISH përdor për tu shmangur dënimit me burg përjetë.<br /><br />Kjo intervistë ka hapur një debat në opinion publik se përse Rroku flet për herë të parë pas 14 viteve nga dënimi i tij me burg përjetë dhe 15 vite nga vrasje e Maribe dhe Alda Canaj.<br /><br />Report TV ka mundur të shoh kërkesën e Rrokut drejtuar gjykatës kushtetuese ku ai si objekt gjykimi ka vendosur shfuqizimin e vendimeve gjyqësore të shkallës së parë penale të datës 2 Maj 2002, atë të apelit dhe atë të gjykatës së lartë të cilat e kanë dënuar me burg përjetë për vrasjen e dyfishtë të ndodhur më 17 shkurt 2001.<br /><br />Burime nga kushtetuesja sqaruan për ReportTV se brenda datës 9 Prill kjo kërkesë do të marrë një përgjigje zyrtare nëse do të pranohen apo jo pretendimet e Rrokut dhe nëse do të gjykohen këto pretendime nga 9 anëtarët e kolegjit kushtetues.<br /><br />Ish-agjenti i Shish duket se nuk është pajtuar kurrë me burgimin e përjetshëm pasi trokitja e tij në gjykatën Kushtetuese nuk është hapi i parë i përballjes së tij me gjykatat që pas ekstradimit.<br /><br />I sapo ekstraduar nga Amerika në 2014 Rroku trokiti në gjykatën e lartë ku kërkoi rishikim të dënimit të shkallës së parë por kjo kërkesë u rrëzuar dhe u la në fuqi dënimi me burg përjetë.Por ai s?do të tërhiqej nga përballja me gjykatat dhe në gjykatën penale të Tiranës aty ku për 1 vit u gjykua në mungesë do të kërkonte ndryshimin e burgut në të cilin vuan dënimin.<br /><br />Kjo kërkesë u rrëzua në shkallë të parë dhe në apel por Rroku më 29 dhjetor 2015 do të trokiste sërish në gjykatën lartë aty ku prej 3 muaj kjo kërkesë e tij është në fazë studimi.Rroku pas ekstradimit është vendosur në burgun e sigurisë së lartë në Fushë Krujë aty ku ndodhet dhe shumë të dënuar me burg përjetë të konsideruar të rrezikshëm.
