Asnjë banor nuk do ti shpëtojë pagesave të detyrimeve për mirëmbajtjen e pallateve.<br /><br />Nënkryetari i bashkisë së Tiranës Andi Seferi sqaron në një intervistë për Report Tv se në rast të refuzimit të pagesës, çështja shkon deri tek përmbarimi.<br /><br />Në ligjin për bashkëjetesën, Seferi thotë se është e mirëpërcaktuar që çmimet e shërbimeve i vendosin vetë përfaqësitë e komunitetit e në këtë rast të pallateve.<br /><br />Bashkëpunimi i të gjithëve është sipas Seferit edhe çelësi për të zgjidhur të gjitha problemet pasi për administratorët dhe ndërlidhësit puna do të jetë e vështirë.
