Punonjësit e Uzinës së Naftës në Ballësh kanë dalë sërish në protestë ditën e sotme përpara prefekturës së Fierit.<br /><br />Edhe pse prej 40 vjetësh janë pjesë e një prej industrive më fitimprurëse në vend dhe botë, këta punonjës e inxhinierë prej 8 muajsh janë të papaguar.<br /><br />Ata kanë kërkuar që të takohen me Prefektin Xhavit Bushaj në mënyrë që ky i fundit të marrë përsipër ndërhyrjen tek organet kompetente për tu dhënë këtyre punonjësve një përgjigje të saktë nëse duhet të vazhdojnë punën apo jo.<br /><br />Janë rreth 1 mijë punëtorë në uzinën e naftës që çdo ditë shkojnë në punë, përpunojnë arin e zi, por në fund nuk marrin asnjë qindarkë për të mbajtur familjen gjallë.<br /><br />Kjo nuk është protesta e vetme e punonjësve të Uzinës së Naftës. Pak muaj më parë ata protestuan sërish për të njëjtin problem, por sërish nuk iu dha ndonjë zgjedhje.<br /><br />Duket paradoksale, por këta punonjës të papaguar jo në pak raste kanë shpëtuar uzinën nga shkatërrimi, duke kontribuuar për të nxjerrë prodhimin, por të ardhurat në asnjë rast nuk u përdorën për tu paguar.
