Universiteti i Mjekësisë do të ndryshojë kriteret e pranimit në fakultetet e tij. Rektori i këtij Universitetit Arben Gjata në një intervistë për Report TV thotë se, do të hiqet si kriter nota e lëndëve të Filozofisë dhe Sociologjisë.<br /><br />?Ne kishim vendosur 3 kritere bazë që 35% ishte mesatarja e gjimnazit. 35% ishte nota mesatare e 3 provimeve të detyruara të maturës shtetërore dhe 30% ne i kishim lënë faktikisht 5 lëndëve që përbëhej Fizikë, Kimi, Biologji dhe për herë të parë ne kishim menduar të fusnim dhe Sociologjinë dhe Filozofinë. Në mbledhjen e ardhshme të senatit besoj që për sivjet ne do ta heqim Sociologjinë dhe Filozofinë? ka thënë Gjata.<br /><br /><br />Rektori i Universitetit të Mjekësisë thekson se, nuk do të pranohet asnjë student nëse nuk ka mesataren e shkollës së mesme, më shumë se 8.<br /><br />?Për miksin Farmacinë dhe Stomatologjinë mesatarja për të aplikuar në universitetin tonë do të jetë mbi 8.5 ndërsa për një grup degësh të cilët aplikojnë në Fakultetin e Shkencave Mjekësore Teknike në këtë grup kemi vendosur që mesatarja të jetë mbi 8? ka shtuar ai.<br /><br />Në lidhje me kuotat e pranimit Arben Gjata thotë se ato do të jetë të njëjtat me një vit më parë. Universiteti i Mjekësisë për vitin e ardhshëm, nuk do të rrisë as tarifat e studimit.
