Predikimet e imamëve të vetshpallur nën akuzë për terrorizëm janë kryer pa pëlqimin e komunitetit musliman. Këtë e ka konfirmuar në dëshminë e tij para gjykatës kreu i KMSH-s Skënder Bruçaj.<br /><br />Dëshmija e Bruçajt është shoqëruar me tension në sallën e gjyqit ku gjyqtarja Liljana Baku ka nxjerr jashtë salle dy prej familjarëve të imamëve nën akuzë.<br /><br />Gjatë dëshmisë Bruçaj është ballafaquar dhe me imamët Bujar Hysa e Genci Balla, ku nga ky i fundit Bruçaj u akuzua për tradhti ndaj muslimanëve.<br /><br />?Ju përkrahni të krishterët dhe çifutët, jeni vënë në krye të muslimanëve si spiun dhe për llogari të shtetit? ju drejtua Genci Balla kreut të Komunitetit Musliman.<br /><br />Akuza ndaj Burçajt u bënë dhe nga ish imami i Xhamisë së Mëzesit Bujar Hysa. Sipas Hysës, Bruçaj ka një formim për Psikologji dhe nuk njeh fenë Muslimane dhe Kuranin pasi ai nuk di gjuhën arabe.<br /><br />Në seancën e 40-të ndaj imamëve të vetshpallur nën akuzë për terrorizëm ishte planifikuar të dëshmonte dhe ish kreu i KMSH-së Selim Muça por me pëlqimin e palëve në proces gjykata vendosi ta heq atë nga lista e dëshmitarëve.<br /><br />Pak çaste pas përfundimit të dëshmisë së kreut të KMSH, zyra për çështje juridike e këtij komunitetit shpërndau një deklaratë për mediat ku kërkon nga gjykata që ky proces të mbyllet sa më shpejt duke respektuar të drejtat e njeriut dhe përkatësitë fetare të çdo të pandehuri.
