Mbledhja e komisionit të posaçëm për reformën në drejtësi u mbyll pa një vendim të palëve për rrugën që do të ndiqet për finalizimin e kësaj reforme. PS kërkon që drafti i konkluzioneve të Venecias të merret në shqyrtim nga ekspertët e më pas në tryezë politike , ndërsa PD mendon të kundërtën duke kërkuar tryezë politike për zgjedhjen e çështjeve në ngërç.<br /> <br />Edhe LIS njësoj si PD mirëpret një tryezë të nivelit të lartë politik ndërsa kërkoi që reforma duhet ta fokusojë punën në komisionin e posaçëm. E ndërkaq në këtë mbledhje të parë PD nxori në pah qëndrimin e saj, i cili nuk përputhet në të paktën 11 çështje të propozuara nga ekspertët e maxhorancës ndërsa LSI ka të paktën 5 çështje për të cilat kërkon të shqyrtohen për këtë reformë.<br /> <br />Tre janë çështjet thelbësore që i bashkojnë në qëndrime PD dhe LSI. Së pari të dy këto forca kërkojnë që të jetë një Gjykatë e Lartë dhe jo dy dhe së dyti formula e emërimit të gjyqtarëve të Gjykatës Kushtetuese nga kuvendi, kërkohet të gjendet formula që përcakton rolin substancial të opozitës në këto emërime.<br /> <br />LSI propozon formulën ku pozita dhe opozita kanë të drejtë të mbështesin secila nga një numër të barabartë anëtarësh duke zgjidhur në këtë mënyrë kontestimin e shumicës së cilësuar.<br />Ndërkaq PD është kundër përfshirjes në sistemin gjyqësor të individëve jashtë rregullave normale të përfundimit të shkollës së magjistraturës, edhe për këtë çështje LSI propozon vendosjen e parimit të rekrutimit profesional dhe të karrierës në gjyqësor dhe prokurori ku gjyqtarë dhe prokurorët të emërohen vetëm pasi të kenë kryer shkollën e magjistraturë.<br /> <br />Ndërkaq PD dhe LSI mendojnë ndryshe për Byronë Kombëtare të Hetimit ndërsa PD kërkon fuqizimin e hetimit penal nga prokuroria dhe ngritjen e strukturave hetimore vetëm nën varësinë e prokurorisë.<br /> <br />Për këtë çështje LSI propozon ngritjen e Agjencisë Kombëtare të Hetimit të shkëputur nga Policia e Shtetit por dhe jo në varësinë organizative të prokurorisë. Kjo agjenci propozon LSI të drejtohet nga një bord shtetëror me përfaqësues të ministrave të fushës dhe të prokurorisë së përgjithshme.<br /> <br />Ndërkaq PD nuk është dakort edhe për 8 çështje të tjera që kanë të bëjnë me ekzistencën dhe funksionin e Këshillit për Emërimet në Drejtësi, me skemën institucionale të propozuar dhe procesin e emërimit të funksionarëve të sistemit të drejtësisë.<br /> <br />Në të njëjtën kohë PD shprehet kundër ndërprerjes së mandateve të organeve kushtetuese ekzistuese, siç është ai Prokurorit të Përgjithshëm.<br /> <br />Gjithashtu PD kundërshton strukturat që do të përfshihen në procesin e rivlerësimit të gjyqtarëve/prokurorëve. Në qëndrimin e PD-së kundërshtohet procesi i emërimit dhe funksionet e Inspektoratit të Lartë të Drejtësisë, apo edhe përbërja e tribunalit disiplinor. Sipas opozitës edhe procedura e emërimit të anëtarëve jo-gjyqtar dhe prokuror të Këshillit të Lartë Gjyqësor apo Këshillit të Lartë të Prokurorisë është i papranueshëm. Nga ana tjetër LSI kërkon forcimin e kopetencave të ministrit të Drejtësis...
