TIRANË - Një aksident me pasojë plagosjen e një personi është shënuar mesditën e sotme në hyrje të Unazës së Re në kryeqytet.<br /><br />Një automjet ka përplasur një burrë rreth 45 vjeç me motor duke i shkaktuar disa plagë.<br /><br />Sipas dëshmitarëve në vendngjarje drejtuesi i mjetit tip "Golf" ngjyre blu tërhoqi zvarrë për rreth 10 metra drejtuesin e motorit dhe më pas u largua pas aksidentit.<br /><br />I plagosuri u dërgua me ambulancë në spital dhe ndodhet në gjendje të stabilizuar jashtë rrezikut për jetën.<br /><br />Dyshohet se shkak për aksidentin ka qënë shpejtësia e madhe e mjetit ndërsa grupi hetimor vijon hetimet për gjetjen e shoferit të Golfit.
