BULQIZË- 7 marsi, "Dita e Mësuesit", është kthyer në makth për nxënësit e një shkolle 9-vjeçare në Bulqizë, ndërsa në shkollat e tjera bëhej festë.<br /><br />Kjo për shkak se një rast i paprecedentë dhune ka ndodhur në shkollën 9-vjeçare të "Orzhanovës" në Ostren, pasi nxënësit e klasës së katërt janë rrahur nga mësuesi i tyre Agim Muça.<br /><br />Si pasojë e dhunës, 4 prej nxënësëve kanë përfunduar në spital në gjendje të rëndë. Kanë qenë mësuesit e nxënësve ata që denoncuan dhunën barbare ndaj fëmijëve të tyre.<br /><br />Menjëherë pas denoncimit, përfaqësues të Drejtorisë Arsimore të Bulqizës kanë mbërritur pranë shkollës dhe kanë pushuar nga puna mësuesin Agim Muça, 63 vjeç i cili është arrestuar nga Policia e Dibrës.<br /> <br />Rastet e dhunës së mësuesve ndaj nxënëseve në shkollat shqiptare, janë jo pak të përsëritura, por rasti në fjalë kërkon vëmendje maksimale nga Ministria e Arsimit e cila duhet të marrë masa.
