Ish-ministri i Financave Shkëlqim Cani i është përgjigjur kërkesës së komisionit hetimor për të dëshmuar rreth auditit në serverin e tatimeve.<br /><br />Ish minintri është shprehur se ky audit është kryer për shkak të dyshimeve për skemën e rimbursimit të TVSH.<br /> <br />Por për demokratët të cilët kërkuan edhe ngritjen e këtij komisioni ky veprim i ish ministrit ishte i pabazuar në ligj, çka u hodh poshtë nga ish ministri i cili tha se ky proces është kryer në përputhje me ligjin për auditimin.<br /><br />Dëshmia e ish ministrit është shoqëruar me debate të forta mes Ristanit dhe Canit, pasi deputetit demokrat është shprehur se nuk mund të kryhet një audit thjeshtë se i pëlqen shefit.<br /> <br />Ish ministri tha se PD po i bën mbrojtje politike kësaj vjedhje e kjo është e papranueshme, madje ai i sygjeron ministrit të ri të financave të kryejë një tjetër audit, pasi është i bindur se aty ka vjedhje.<br /><br />Komisioni hetimor do të vijojë seancat me të tjera dëgjesa me zyrtarë të tatimeve.<br /><br />Deputeti Ervin Koçi ka deklaruar se opozita po bën politikë dhe është pa argumente duke u marrë me detaje anësore dhe qesharake.<br /><br />?Opozita po e shfrytëzon për teatër politik. Komisioni për herë të 3 dhe dosja e mbyllur e Prokurorisë për "Serverin e Tatimeve", e ka lënë opozitën pa argument, ndaj opozita nuk kërkon më thelbin e problemit, por merret me detaje anësore dhe qesharake.Teatri Politik i opozitës nuk respekton vullnetin e vazhdueshëm tonin për te nxjerrë në shesh të vërtetën se cfarë cënimi sigurie dhe papërgjegjshmërie të përsëritur dhe të vazhdueshme ka pasur nga qeveria e vjetër për të dhënat më të rëndësishme financiare të sistemit tonë ekonomik dhe të biznesit të ndershëm shqiptar që beson në një shtet të përgjegjshëm dhe transparent. Për mazhorancën e sotme është kriminale papërgjegjshmëria për të mos audituar dhe garantuar asnjëherë në 8 vite truri elektronik i ekonomisë dhe financave të shqiptarëve? ka thënë ai.<br /><br /> <br /><br />Ja disa nga pyetje - përgjigjiet<br /><br />Arben Ristani- Canit: Pse krijuat grupin e auditit për Serverin e Tatimeve?<br /><br />Shkëlqim Cani: Auditi pas dyshimeve për skemën e rimbursimit të TVSH. Kisha sinjalizime nga Tatimet për ndërhyrje në sistem. Kam zbatuar rregulloren për auditin<br /><br />Cani: Kam bindjen se aty ka vjedhje, duhet sërish audit. PD po mbron politikisht vjedhjen, pse jeni kundër auditit.<br /><br />Ristani: Audituesit morën të dhënat dhe u larguan. Auditi veproi pa ligj dhe pa procedurë
