Shoqëria civile ka organizuar sot një proteston për pallatin 13-katësh që do ndërtohet në hyrje të parkut të liqenit artificial, pranë Fakultetit Ekonomik.<br /> <br />Një grup aktivistësh të lëvizjes ?Qytetarët për Parkun? kanë vendosur lule në vendin ku do ndërtohet pallati, pasi sipas tyre tashmë parku i liqenit artificial mund të quhet i vdekur.<br /> <br />Ata kanë vendosur edhe një pllakatë me mbi shkrimin "Këtu prehet Rilindja, 2013-2013".<br /><br />Zirkon Disha u shpreh se për të ndërtuar këtë pallat janë prerë pemët.<br /> <br />Madje përfaqësuesit e Shoqërisë Civile thonë se pallati nuk do të jetë 13-kate, por 22. <br /> <br />Kjo është protesta e parë që po zhvillohet për këtë pallat, ndërkohë që asnjë institucion qendror ose vendor nuk ka reaguar në lidhje me lejen e ndërtimit.<br /> <br />Sipas Zirkon Dishës protestat nuk do të ndalen për pallatin.<br /> <br />Prej një muaji Report TV ka denoncuar ndërtimin e një godine 13-katëshe shumë pak metra pranë parkut të liqenit artificial.<br /> <br />Pas këtij ndërtimi qëndron zyrtarisht një qytetarë indian, por dyshohet se pas tij fshihet biznesmeni Samir Mane dhe ndoshta disa të tjerë.<br /> <br />Ortaku kryesor i shoqërisë që ka fituar lejen e ndërtimit në fakt, është një kompani offf-shore e regjistruar në parajsa fiskale.
