TIRANE - Duke filluar nga data 4 maj nis de facto zbatimi i ligjit të dekriminalizimit. Zyrtarët kanë 15 ditë kohë për të plotësuar formularin e vetëdeklarimit të së kaluarës së tyre.<br /> <br />?Mosparaqitja e tij përbën shkak për moskandidim, mosemërim apo moszgjedhje në funksionin publik", -thuhet në vendimi e publikuar në fletoren zyrtare.<br /> <br />Në rast se zyrtari nuk e ka plotësuar saktë atë, institucioni ku punon i lë dhe 10 ditë kohë të ndreqë gabimin, në të kundërt nisin penalizimet që parashikojnë, pushim nga puna, ose heqje mandati.<br /><br />Vetëdeklarimet publikohen në faqen online të institucionit ku zyrtari punon.<br /><br />?Organi përgjegjës, brenda muajit mars të çdo viti, informon Kuvendin dhe Prokurorin e Përgjithshëm, për numrin e personave që kanë rezultuar në kushtet e ndalimit, apo që nuk kanë dorëzuar formularin e vetëdeklarimit", -thuhet në vendimin e publikuar në faqen zyrtare.<br /><br />Formularët e vetëdeklarimit dhe të dhënat e përfshira në to mund të bëhen publike në çdo kohë dhe pa asnjë kufizim, para dhe pas datës së zgjedhjeve , votimeve në Kuvend apo emërimit.<br /><br />Brenda 3 muajve nga skadimi i afatit të vetë deklararimi, institucioni është i detyruar të verifikojë të dhënat e deklaruara nga punonjësit e tij.<br /><br />Që prej këtij momenti, Prokuroria e Përgjithshme ka 15 ditë kohë të thellojë hetimet. Nëse provohen shkelje, zyrtari shkarkohet ose i hiqet mandati jo më vonë se 10 ditë nga përfundimi i hetimeve.
